小孩子的美與醜 ？！

小孩子也有自己的審美眼光。

就像雪雪對一些不喜歡的東西，她就會說："好核突呀！"
而看見 "靚" 的就會說，"Look at that！ 好靚呀！"

以下就是雪雪口中 "好核突！" o既o野，睇o下你認唔認同啦！

係咪覺得 "好核突" 呢？ 哈哈！

Barron 出拳呀！

雪雪成日都會講："細佬出拳呀！" 因為 Barron 成日手舞足蹈無時停o丫嘛！

Barron 十二月初去見醫生，醫生話要叫個 Nurse 同 Barron 磅多一次重。因為兩個多月大的 Barron 竟然重 15 磅 7 安士，一般四個月大o既 Baby 先會有o甘重！至於細佬既 Hernia，醫生話唔會影嚮佢o既健康！

細佬有陣時會好 Cute，叫佢 "Barron"，佢會笑，跟住仲會 "Coo Coo" 同你傾偈，好得意o架！不過細佬無家姐o甘叻啦，支針未拔番出o黎已經喊，家姐打完針都無喊過。不過細佬o既係 "嗲" o個隻，家姐好 tough，將來 Candice 都應該可以 take care 細佬o既！

雪雪真乖！

星期六早上，天氣有點兒冷，於是媽媽替雪雪穿上襪子。怎料，雪雪對媽媽說："媽咪未著襪o丫！我同妳著o丫！"

然後走到櫃前，拉開裝著媽媽 Underwear & Socks o既櫃桶，拿o左對襪。雪雪真的蹲下替媽媽穿上襪子，媽媽頓覺雪雪真的長大了，心都甜晒！雪雪o甘乖巧，抵媽媽錫晒佢啦！

口齒伶俐的雪雪！

雪雪雖然只是兩歲零三個月大，蛋她很牙尖嘴利，對答如流！

一朝早起床，Candice 看見媽媽便問："爸B 呢？" 媽媽說："妳隔離囉！" 雪雪猶豫了一會，看見媽媽已換好了衫準備返工。雪雪對媽媽講："唔好返工啦！"

媽媽答："唔返工邊有錢去 Target 買o野呀？（Target 是雪雪最愛逛的 Superstore） Candice 答："我攬住妳一齊返工，一齊去 Target o丫！"

有一次媽媽和 Candice 讀書，媽媽指著一隻白兔說："係唔係 Bunny 呀？" 雪雪話："唔係 Bunny，係兔仔！"

爸爸對雪雪講："飽就唔好食啦！" 雪雪話："唔好o甘孤寒啦！"

雪雪還會對著 Barron 講："你講o下o野啦！"

還有一次雪雪拿起玩具鑊剷想打呀 Max，爸 B 話："唔夠力o架！" 雪雪連忙說："搵條棍夠力o丫！"

媽媽問 Candice："阿爺有冇買蕉蕉呀？" Candice 竟然答："都唔平！"

看見電視出現陳志雲，Candice 就會即刻講："志雲飯局！"

雪雪喜歡的水果...

早陣子，媽媽買了 Fruit Tart 回來，雪雪非常開心，因為雪雪極之喜歡食Cake，不過是蛋糕上的水果。不知道為什麼，雪雪很喜歡 Berries。

不論是 Strawberries，Black Berries，Raspberries，or Boysenberries，她都一掃而空留返個 "淨" Tart 俾媽咪食！

其實雪雪喜歡食 Berries 都係一件好事，因為它通常都含有大量的抗氧劑（Antioxidants）。

除了桑類之外，雪雪還很喜歡食粟米，青豆和所有菌類呢！（草菇，蘑菇，冬菇，金菇...）

雪雪的想像力?!

一個小朋友的想像和表達能力往往都出人意表。就像 Candice，一個兩歲零三個月大的小朋友每次也令人捧腹大笑！

有一天晚上，媽媽穿著一條長褲，上面的圖案是白色彎彎的羽毛。雪雪見了，對媽媽說："媽咪出煙呀！"

星期日，Michelle 到我們家中吃晚飯，她穿的襯衣背後有一些藍色水點，雪雪卻形容："佢濕晒呀。"

早陣子，媽媽給雪雪看一幅圖畫，畫中的圖案是呈 "螺旋形"，媽媽說，似唔似 Lollipop 呀？雪雪答："蝸牛呀！"

最攪笑的一次就是爸爸媽媽和雪雪一起讀 Storybook，坐在中間的雪雪忽然指著自己的眼睛說："呢度漏呀！" 我們看看雪雪並沒有任何特別問題，於是媽媽好奇地問："漏乜o野呀？" 雪雪答："口水！" 媽媽恍然大悟，原來是爸爸講故事時的口水濺在 Candice 的面上，笑死人啦！

媽媽上班去...

悠長的產假已過去，媽媽在十六號開始上班。

上班的前一天 ...

媽媽對雪雪講： 『媽媽要返工，雪雪要乖乖留o係屋企同嫲嫲一起陪細佬，幫手照顧細佬。』

雪雪答：『唔好o丫！我抱妳返工o丫！我唔要嫲嫲，唔要爸 B，我要媽咪，我要細佬！』『爸 B 返工，媽咪留o係度陪雪雪！』

結果媽媽第一天上班，雪雪只喊了一會，沒有扭計，媽媽覺得好安慰！做了 Big Sister 果然唔同 D！

媽媽曾經想過放棄工作在家陪雪雪，怕雪雪會掛住媽咪。現在，媽媽可以放心返工，賺多D 錢留返俾雪雪同埋 Barron 讀書。留代 Candice 同 Barron 一起返學時，媽媽可以做 Part-Time，花多些時間和她們讀書做功課。

乖巧的雪雪很喜歡看書，常常拿著故事書嚷著 ...
“媽咪讀！”，還問 “呢個咩o黎o架？”

希望雪雪能繼續保持著看書的熱誠，長大後努力讀書！

老人精...

雪雪成日學大人講o野...
十足十老人精... 以下就是雪雪成日講的短句：

• 咪嘈啦！
• 阿成食飯啦！
• 係唔係o甘呀？！
• 不如o甘o丫...
• Max，想死呀？
• 攪爸 B o野，你想死...
• 我返工啦...
• OH！ My God！
• 我老婆都唔 "渣" 得車...
  
• 我收埋先啦！
• o丫！我見到啦！
• 我打鑊你o架！
• 都唔熱呀！
• 都好酸o丫！

雪雪還懂得唱 "小小姑娘"，同埋 "夢中的天使" o架。

雪雪的新玩具...

近日，爸爸在收拾房間時，竟然發現 McDonald 在 1988-90 年出品的 Happy Meal 玩具，勁呀！

這些玩具迅即成為 Candice 的新玩意，讓她在玩 『煮飯仔』 時可以加埋雪糕，French Fries，Hot Cakes，漢堡包，Chicken McNuggets，同埋 Coke，成為一個套餐，簡直經典！

希望雪雪能夠好好收藏這套近二十年歷史的玩具，一代一代傳下去！

雪雪愛撒嬌...

雪雪個性野蠻又倔強，但也有柔情的一面。

話說有一晚，雪雪嚷著要飲 "奶奶"。但媽媽眼見她正餐吃得不多，於是對雪雪的要求採取不聞不問的態度。

雪雪鍥而不捨，不斷叫 "我要食 “飲” 奶奶，我要食奶奶啊！" 開始扮喊的雪雪見媽媽不正視她，於是對媽媽說： 『望住我啦！』 唉！真係笑死媽咪囉！

好似個女仔 “Lum” 男朋友仔買野o甘... 雪雪有時仲會講： 『我要攬住你！』

特別的 Barron...

Barron 出世時已經好特別o甘o係 Pat Pat 上小小o既位置有 Dimple （一個小洞）。經醫生詳細檢查，加埋超聲波，相信無乜大問題。

現在長了肉的 Barron 已沒有了那個 Dimple，但卻有一種叫 （Umbilical Hernia）的現象。

What is an umbilical hernia?
When the fetus is growing and developing during pregnancy, there is a small opening in the abdominal muscles so that the umbilical cord can pass through, connecting the mother to the fetus. After birth, the opening in the abdominal muscles closes as the baby matures. Sometimes, these muscles do not meet and grow together completely, and there is still a small opening present. A loop of intestine can move into the opening between abdominal muscles and cause a hernia.

醫生話有D Baby 會有呢個問題，假若到四，五歲仲未見個肚臍位收番，就要做手術。我o地從來都未聽過或看見過D Baby o既肚臍凸得o甘緊要，問o左醫生之後先知道有D o甘 "騎呢" o既o野！

所以在此同大家分享，希望已為人父母或快將為人父母的，會對這些事有D 認識。

如果你識人有呢個現象，不妨叫佢o地分享下，等我o地知多D 都好o丫！

雪雪： 第一次騎旋轉木馬

二零零七年十一月九日，雪雪第一次騎旋轉木馬。

以往，雪雪多次看見旋轉木馬都說想坐一坐。如今，終於試一試，結果卻是：

在三分多鐘的旋轉木馬上，雪雪不停嚷著要走，喊著要媽咪（因為係嫲嫲扶住雪雪一齊坐），仲話〝好跌〞（好驚，而且會跌）！怕且，雪雪有好一段時間也不敢再坐啦！



雪雪最愛還是玩滑梯呢！

Happy Halloween !

剛過去的萬聖節是雪雪第一次正式去 :

"Tricks or Treats !!"

上年，雪雪還坐BB 車飲住奶奶去 "Tricks or Treats"，今年雪雪自己步行全程差不多一個半小時，沒有要求抱抱。

Barron 跟著我們一起去 "Tricks or Treats"，不過是媽咪抱住！Michelle，Jacky Jr.，以及 Amber 跟隨著雪雪一路行，所以雪雪非常開心！

回到家中雪雪還帶住裝糖糖的籃子四圍行，當寶！

雪雪不知道媽咪靜靜地將許多巧克力和糖果收起給爸B 吃呢！

世上只有媽媽好....

一直以來，雪雪媽都知道世上只有媽媽好的道理。雪雪同軒軒o既婆婆對家中每一個人都無微不至。婆婆心地善良，對小朋友有愛心，是雪雪媽的好榜樣。

人家說，沒做過媽媽的真不能體會 "媽媽之苦"。

今日，雪雪媽開始有所體會.... 話說軒軒七時許已醒來吃奶，因為軒軒不太懂得啜奶，媽媽要花上個多小時才能餵完 1.5 安士。正當媽媽想上床休息多一會時，軒軒又再喊，又想食奶。媽媽只好抱起軒軒再餵奶。

此時，雪雪起床話要 "Pee Pee"。眼見差不多四時才睡覺的雪雪爸，媽媽不便打攪。唯有一手抱著軒軒，一手幫雪雪上廁所。當然，世事永不會這般容易便完事。Max 亦趁這時刻走入廁所把玩一下雪雪豬的.... 雪雪媽便還牠一腳助牠離開！

雪雪爸話其實女人o既 Endurance 比男人勁好多 -- 真係無錯o架！

依家雪雪同軒軒還小，遲些他們上學，恐怕要擔心和照顧他們的時間比現在還多好幾倍！

為人子女的，真的要好好孝順母親，放她在第一位。至於父親，哈哈.... 要視乎情況而定啦！好似雪雪爸o甘o既 Daddy，可以放在第二位o既。因為佢搵到錢，雪雪媽好快可以唔駛返工返得o甘多啦！可以多 D 時間陪著兩個小朋友。點都好，做阿媽真係好辛苦o架！

媽咪，I Love You!

雪雪與呀 Max...?!

屬雞的雪雪和呀 Max 一起，真的是 "雞犬不寧"！

雪雪很喜歡和呀 Max 玩耍，但她們每次也玩得很瘋狂。雪雪會拍打呀 Max，拿著牠的尾巴，而呀 Max 則追著雪雪的屁股來嗅。結果呀Max 不停逃避，雪雪不停地追著牠。

不過，動物始終鬥不過人類。有一次，呀 Max 跳上一張會轉的 Office Chair 上，雪雪趁機不停把那張椅子在轉，呀 Max 忍唔住跳番落地走o左去，雪雪還叫呀 Max 走番上張椅度同佢玩。係咪攪笑呀？！

唔知道屬豬的細佬軒軒，會唔會同呀 Max 成為 "豬朋狗友" 呢？

弟弟出世啦！

九月二十日早上，弟弟出世啦！

Barron Online Album

弟弟叫傲軒（Barron），爸爸媽媽期望細佬會溫文有禮，文質彬彬 D ，唔好似雪雪o甘頑皮o窩！

弟弟出世一個禮拜，就甩o左臍帶啦，雪雪仲同媽媽講："細佬個蓋蓋唔見o左呀！" 媽媽都忍唔到笑，傷口痛都要笑，真係天真！

媽媽放產假的第一天...

媽媽正式放產假的第一天，雪雪很高興。她說："爸B 返工，媽咪唔返工！" 起床後，媽媽煮 Pancake 作早餐，雪雪吃了少許便說 "Yummy！"

過了一會，雪雪還把 Pancake 放近鼻子說：" 唔... 好香！" 媽媽個心都甜晒啦！到了下午，雪雪嚷著要奶咀，不停叫 " 咀咀... 咀咀！"

媽媽便駛出 " 拖字厥..." 對雪雪講：" 等媽媽飲埋杯o野先啦！" 雪雪答："OK！" 然後靜靜在看書。

不久，雪雪看看媽媽便說：" 媽咪飲晒！" 媽媽反問：" 飲晒又點呀？" 雪雪笑著回答：" 我食咀囉！" 唉！媽媽都不知好嬲定好笑！

後來，媽媽對雪雪講：" 妳成日都要食咀咀，我點帶妳去街呀？" 雪雪答：" 坐車啦！" 真係頂佢唔順！

雪雪是個小喇叭！！

星期六早上，媽媽準備煮早餐。雪雪看見這情景，便走回房間在熟睡的爸爸耳邊大叫，"爸B 起身食早餐啦！" 爸B 當然成個人彈起啦！

近日，雪雪亦開始唱歌。先是唱："Ba Be Bu Bo Ba Be Bo"，現在唱："ABCD ABC"，或是："Twinkle Twinkle Twinkle Star..."

期望雪雪盡快唱一首完整的歌給爸爸媽媽聽！

雪雪乜都記得...

上個月媽媽的好朋友從香港到三藩市旅遊，爸爸媽媽便帶雪雪和這位 Daisy 姐姐出外吃晚飯。晚飯後，Daisy 從袋中拿出潤唇膏，雪雪便覺得很新奇。當天晚上拿著那支唇膏玩不停。

事隔一個月，媽媽再問起雪雪她的唇膏在哪兒，她說："Daisy！"

Daisy，如果妳睇見呢個 Blog，應該好開心，雪雪仲記得妳呀...

佢o甘抵錫，下次我o地返香港，妳知點做啦！！

雪雪懂得問候別人...

有一天爸爸打噴嚏，雪雪便對爸爸說："打噴嚏要著衫！" 然後她便拿了外套給爸爸。

有一次嫲嫲很累，木無表情，雪雪對嫲嫲說："笑下啦，唔好唔開心！"

嫲嫲有一次開一罐餅，雪雪見嫲嫲開了這麼久還沒有拿餅餅出來，她便問："妳夠唔夠力開o架？"

妳話啦，呢個兩歲人仔係咪好攪笑？！

日常生活事

上星期天媽媽身體不適，又暈又嘔。

媽媽終於決定入醫院。嫲嫲和雪雪也跟著爸爸一起送媽媽到醫院。看著媽媽躺在床上，雪雪只明白醫生會打針。所以十分乖巧。

隔了幾天，看著媽媽摺衫時，雪雪指著當天媽媽入醫院時所穿的裙，並說，"媽媽睇醫生，嘔呀！"

Learning ABC ?!

媽媽不知道一般兩歲小朋友學習 ABC 是怎樣，只發覺教小孩子真的很困難... 可幸的是經過一番努力，雪雪對 ABC 略有認識。就讓媽媽在這個 "Blog" 記下兩歲時的雪雪對 ABC 的認知能力...

A for Apples
B for Bat
C for Cat
D for "Cow Cow Cow" --> Dinosaur 的叫聲
E for 大笨象
F for Froggy
G for "....... 唔識呀！"
H for Hare 兔兔
I for Ibex
J for ".... Jellyfish?" "係呀！"
K for 袋鼠
L for Lemur
M for Monkey
N for Newt
O for Owl
P for Pig Pig 豬
Q for "......"
R for Raccoon
S for "zzzzz...." --> Snake
T for Turtle
U for "...."
V for "...."
W for Woodpecker
Y for "YoYo"
Z for Zebra 斑馬

雪雪的 "口頭禪" 及語錄...

還有個多星期便兩歲的雪雪整天口多多！

最常聽見她說的話便是"麻煩！"，"我打你"。近日她的口頭禪更特別，她竟然會問："係唔係呀？"雖然媽媽不知道她明不明白這些說話的意思，她的模仿能力十分強是一個不爭的事實。

======

每當雪雪玩"煮飯仔"時看見熱狗"Hot Dog"時，她會說"腸仔飽"！其實佢又無錯o窩！媽媽有一次煮好飯把雪雪坐上 Highchair 食飯時，她對著媽媽說，"媽咪除"肩肩""（其實是圍裙）。在她眼中則是"口水肩"！

Candice 上廁所？

二零零七年七月十日是一個特別的日子。

因為雪雪今天自己除褲子上廁所。嫲嫲問雪雪做乜野？雪雪回答， "Pee Pee 呀！"

雪雪還學會了在等侯媽媽調較水溫替雪雪沖涼時，自己坐在地上除襪 （Socks）和褲子。

雪雪看來真的預備好做 "Big Sister" 啦！

Big Sister !

早陣子爸B 買了一本書 "I'm A Big Sister" 俾雪雪。雪雪十分喜愛這本書，還要媽媽每晚和她一起讀。有一晚，雪雪要媽媽讀了四次才肯睡覺。

雪雪一直以來都沒有太多耐性看書，這本雪雪口中的 "Big Sister" 真的很有吸引力呢！

雪雪漸漸理解媽媽肚中有個 Baby，但每次爸B 或媽媽說要留玩具給 "細佬" 玩，雪雪便說 "唔得！"。

看來要雪雪肯和別人分享，還需一段日子呢！

雪雪攪笑語錄 - 卷一 !

話說 SF 這邊正播映遊戲節目"15/16"。若閣下有觀看過這節目便知到他們有一句口號。雪雪一聽到電視廣播 "請收睇 15/16" 便立刻說 "唔舒服" 其實，係唔玩唔舒服！，嫲嫲同媽媽笑到收唔到聲。雪雪邊笑邊說，"爸 B 唔舒服，呀 Max 唔舒服，媽媽要舒服！" 媽媽要寫個服字俾妳啦！

另一個攪笑片段就是雪雪一早就瀨尿，攪到媽咪張床濕晒。
到晚上，媽咪換番晒 D 乾淨床鋪，雪雪同媽咪講："瀨尿，濕呀！" 於是媽咪問，o甘邊個瀨尿o丫？ 雪雪答："媽咪瀨尿，爸 B 整濕！"

正在學講說話的雪雪不斷跟人 "口水尾"。 有一次，爸 B 講了一句 "折墮"，雪雪便不停地講 "折墮"，還加插一句 "呀 Max 折墮！"

當然，雪雪還有很多有趣的說話，遲一些再分享吧 ~

雪雪東岸遊記

五月二十六日到六月一日期間，爸爸媽媽帶 Candice 到 East Coast 旅行。我們去了許多地方： NY Empire State Building, Wax Museum, Statue of Liberty, Central Park, World Trade Center site, Wall Street, Princeton, Baltimore, Liberty Bell, Washington D.C. Museums, State Capital, White House, Corning Glass Museum, Niagara Falls, Harvard, MIT, Boston, and various Chinatowns in East Coast (Philadelphia, Washington DC & Boston) 等等。

在這旅程中，雪雪認識了第一個朋友--一位三歲印度小女孩。她們玩得十分投契，還手拖手行街街，形影不離。

雪雪在這次行程中表現非常乖巧，還學會了很多說話，例如："坐巴士"，"拉拉手"，"行街街"。最特別還是說： "唔笑呀！"，"麻煩！"

爸媽在這次旅遊中，還發現雪雪很怕風筒，所以每次洗頭都o瓜o瓜大叫。雪雪還很怕爸爸用膠布貼著她的小手呢！

經過這次東岸遊，雪雪長大了，開心了，還越來越吱吱喳喳！

雪雪愛搭嘴!

人仔細細的雪雪絕對愛搭嘴!

上星期日爸B和媽咪帶雪雪去Chinatown買東西,可是我們找不到地方停放車輛, 或許雪雪覺得爸B兜了一圈又一圈,所以突然地說: "無位!?"
爸B和媽咪笑到傻!

晚餐時侯, 伯媽媽(Michelle's mom) 問 Jacky Jr. 需不需要吃草菇, Jacky Jr. 沒有反應,雪雪搭嘴: "唔滴 （唔食）丫!"

之後, 我們食Cherry, 伯伯唔食話酸, 雪雪搭嘴: "酸丫, 凍丫!"

伯媽媽當晚還帶了蛋糕來,雪雪邊點頭邊說: "好食! 好食!"

雪雪的新玩伴!

今天媽媽去照超聲波... 結果是:

雪雪將有一新玩伴 --- 有個 "細路仔" 同她玩。
係呀，"細佬 = 弟弟" 呀！

爸爸知道係個仔之後，就頭痕啦。
因為雪雪有好多新衫和靚衫都未穿過！

而且，要稔一個好聽又有意思o既名真係唔容易...

有乜好提議，不防話俾我地知啦！

雪雪似乎唔係好清楚將會有一個新的家庭成員，以雪雪o既性格，怕且有排發脾氣啦！

雪雪的語言 III

將滿二十個月的雪雪,講話越來越有趣，動靜也越來越多:

每當雪雪講"牙籤"丫，我們便知道雪雪想食o野。 媽媽故意問雪雪，要"牙籤" 做咩呀？雪雪回答："吉" 呀！

媽媽有一次指住elephant 問雪雪那是甚麼？ 雪雪答，"大笨象！"
媽媽覺得很意外。對雪雪講："o下？你話比爸B 知，呢隻係乜？"
雪雪可能以為自己講錯，便糾正講 "大象笨"！俾她笑死！

當媽媽差不多煮好菜，雪雪便嚷，
"匙羹呀！"，要媽媽拿匙羹給她自己吃飯。
雪雪不想吃飯，只想吃什糧時，媽媽問："你肚餓丫？不如食飯飯呀？"
雪雪搖搖頭講："唔滴（唔食）丫！"
媽媽問：" 點解唔食呀？"
雪雪邊拍拍自己的肚子邊答："飽飽呀！飽飽呀！"

愉快假期 !

三月尾，公公婆婆和姨媽到三藩市探望我們。雪雪和公公婆婆及姨媽玩得很開心。雪雪到公園玩滑梯，鞦韆，和吹Bubble。

除此之外，雪雪和大家一同逛公司，乘搭Cable Car，還到ZOO坐火車，過了一個難忘的復活節。

雖然雪雪未必會記得所有片段，但我們各人也不會忘記雪雪在這十多天內最純真可愛的笑臉。

期望雪雪長大後也天天快樂，做一個對社會有貢獻的開心快活人。

三頭小豬!

話說... 三個歐陽家族的孩子玩油顏色。

大豬M，中豬J 和小豬C 開始時玩得很愉快。

可是，手多多兼手快快的小豬C 突然一手搶了中豬的圖畫。中豬便大哭起來。

很愛錫中豬的大豬看不過眼，便一手搶回了小豬手中的圖畫，冷不防大豬的舉動，小豬從椅子跌下來，趴在地上。

這時侯，豬伯伯便處罰大豬到洗手間 TIMEOUT。
中豬見到這情況便收回眼淚，靜靜地 COLORING。

不用多說也知道小豬喊到收唔到聲，擁住豬媽媽不停地喊！
至於豬爸爸，看見這情景也不禁嘆一聲，"唉！"

雪雪第一句歌詞！

昨天晚上，媽媽對雪雪說："不如你唱歌比媽媽聽啦，媽媽每晚都唱比你聽!"

雪雪望住媽媽，然後開始唱："叮高叮高尼土打"
That is --> "(twinkle twinkle little star)...."

媽媽和爸爸聽見雪雪唱得如此可愛，不禁笑了出來!

有時侯，雪雪真的令人很開心，她的確是個可人兒！

口齒不清的雪雪!

雪雪說的話日漸增多，但是口齒不清的她製造許多的笑話 !

譬如媽媽說 ： "Daddy 快 D ! " 雪雪跟住說 ： "快 fee ! "

當雪雪受驚時，她拍拍心口說 ： "嚇起我！（嚇死我）"

看見媽媽吃東西時，雪雪走近媽媽說 ： "我錫我錫！（我食我食）"

至於雪雪的中文名，媽媽昨晚終於聽見她說 ： "傲舌！"
有一晚，雪雪還對住阻止她開櫃桶的爺爺說，"煩起我！"

淘氣的雪雪！

上幾個星期，雪雪看見電視播影 "向世界出發"，講小朋友學耍雜技。
當中有一個鏡頭影住小朋友打筋斗，雪雪便跟住打筋斗，把媽媽激得半死！
雪雪還咯咯大笑。

雪雪還學會了爬上沙發上，餐桌椅，爸媽的床上，上落自如！
有一回，她還推玩具車到餐桌旁，站在玩具車上，嘗試拿桌上的東西，真的令媽媽嘆為觀止！

除了以上的技能外，雪雪還不害羞，不怕陌生。媽媽帶雪雪看醫生時，雪雪多次嘗試走近在喊的 Baby。還告訴媽媽，"BB 喊呀"。

當雪雪見到醫生時，還不停用手掩面，和醫生玩 "Peek-a-Boo"。 醫生說 Candice 很 Active。

媽媽當然希望雪雪會是一個快樂的小孩，活活潑潑，但不希望她太百厭呀！

有樣學樣的雪雪！

上星期新年期間，雪雪學會了講"恭喜"，邊說邊把小手扣在一起作 "恭喜" 的手勢，非常可愛！

昨晚，雪雪還學會說以下的說話。

嫲嫲對爸爸說： "你有幾聲咳，有冇喉嚨痛呀？"
爸爸回答： "飲左你杯o野就咳！"

嫲嫲說： "痴線，我俾咩你飲？涼茶囉！"
雪雪搭咀： "痴... 線..."

過了不久，雪雪嚷著要回樓下的睡房，媽媽便教雪雪對爸爸講 "落去！" 雪雪跟著說，"落去！"

Busy Mom!

由於Audit，媽媽在上星期是很繁忙的。媽媽沒有時候更新Candice 的blog。在星期一幸運地完成Audit。終於， 媽媽有時候報告Candice 的新發展。

Candice 能告訴您她要什麼幫助，和她的感受：

• 她指向椅子和對媽媽說, "坐！"
• 當雪雪想吃零食, 會對爸爸說, "餅餅！"
• 雪雪近日還會問，"媽媽，筆筆！"
• 雪雪坐在玩具車上，媽媽在後便推。並問雪雪，"舒唔舒服呀？" 雪雪答，"舒服！"
• 媽媽給雪雪一枝熱奶，雪雪把奶樽放在臉上，然後對媽媽說，"辣辣！"
  

快到新年，媽媽亦開始教雪雪講，"恭喜！多謝！"
可惜，雪雪只能說，"多謝！"

雪雪氣壞人!

雖然雪雪月底將是18 個月大，但她能已經氣壞您!

昨天, 爸爸告訴Candice 不要接觸他的電腦。爸爸皺住眉頭說, "No No No No No!"

Candice 看看爸爸，點點她的頭。爸爸再對雪雪說, "不要攪爸爸的電腦，得唔得?"

雪雪皺住眉頭說, "No No No No No!"

星期天，雪雪醒來，以為爸爸還在睡覺。

怎料，爸爸慢慢挨近雪雪，雪雪大聲地說, "Go Go Go Go Go!" 令爸爸媽媽哭笑不得。

到了下午，媽媽問雪雪想要吃什麼? 雪雪答, "食呢個！"

在午飯後，媽媽在床上休息, 雪雪對媽媽說, "咬您"。 並且咬媽媽的手指。

雪雪還學會了把舌頭伸出來，像Max 般透氣！

雪雪愛畫畫!

雪雪最近喜歡畫畫。每夜當我們吃晚飯, Candice 喜歡拿著 highlighter 假裝畫畫。

當然，媽媽是唯一一個畫花，貓，房子，太陽，鳥，蝴蝶，火柴 人... 等等 ，才令Candice可以逗留在她的highchair 裡吃飯。

一夜, Candice 不想吃飯, 媽咪畫了很多圖畫也沒有用。於是爸爸要出馬了！

奇怪的是，雪雪一向也不大喜歡 "痴" 住爸爸 ，不讓爸爸吃她的食物。當爸爸使出秘密武器後，雪雪笑逐顏開。

究竟爸爸做了些甚麼呢？ 原來，爸爸畫了一隻貓和一隻拿住網球拍的 SNOOPY。老實說，爸爸畫得很神似。

原來爸爸也不是一無是處，至少他的畫比媽媽的好。希望爸爸能培養雪雪長大後愛上畫畫。

Candice 學講說話 ......

這個星期, 媽媽教Candice 怎麼講 "姨媽"。 希望一天Candice 可用電話 say "Hello" to Grace.

雪雪早已學識講 "婆婆"。令"婆婆"十分歡喜。於是，媽媽決定要教雪雪更多說話。

媽媽講 "姨媽"。Candice 重覆 "咪媽"。
媽媽再講 "姨媽"。 Candice 答 "滅媽"。

媽媽再教Candice 講 "公公"。
媽媽講 "公公"。 Candice 重覆 "恭"。

媽媽問Candice 知不知道香港在哪？
搭飛機好唔好？雪雪點點頭，好像知道媽媽說甚麼。

不知道我們下一次回港時，雪雪會否叫"舅公"，"姨婆"，"表姨媽"... 等等呢？

雪雪很受歡迎呢 ∮

幾天前，我們去一家餐館吃晚飯。有一位侍應認為 Candice 很逗人喜愛。
侍應對 Candice 說，如果她叫他伯伯，他會給她糖果。

Candice 起初沒有反應，只是對那位侍應微笑。 一會後，侍應伯伯回來收拾碗碟，Candice 突然非常大聲地說 「伯伯」。那位侍應非常開心，對 Candice 說，"乖！等一陣我俾糖你呀！"

不知甚麼原因，另一位侍應送上芒果布甸給雪雪，大大聲話，"送俾你食，第二個無架！" 轉個頭，一位女部長送上一支珍寶珠給雪雪 。 接過珍寶珠，雪雪滿心歡喜。

正當媽媽低頭吃糖水的三秒間，雪雪已把糖紙撕去，慢慢地把珍寶珠放入口品嘗。

媽媽知道一定很難從雪雪手中搶回那支珍寶珠，於是說，"Candice, 返屋企啦，留番支珍寶珠俾阿 Max 食啦！"

媽媽快速搶回那支珍寶珠，幸好，雪雪冇扭計。

回家途中，爺爺問雪雪，"妳支糖呢？" 雪雪回答，"媽媽！媽媽！"

雪雪妳可知，那支珍寶珠早已被 "嫲嫲" 據為己有。

古靈精怪的雪雪 ＊＊＊

雪雪有時候很有趣又手多多，媽媽很想知道她在想甚麼。

上一個星期天，雪雪靜靜地在廚房的一角，媽媽很好奇。於是，走到她背後一看，看見雪雪正拿著芋頭在鼻子一嗅。沒多久，她又把在旁的姜嗅一嗅！

轉眼間，雪雪又有新發現。我們發現妹妹已站在蛋格上，嘗試開雪櫃！？

有一回，雪雪因為手多多，把沾了辣椒油的紙巾用來抹臉。結果，眼睛沾了少許辣椒油，雪雪放聲嚎哭。

前晚，雪雪把玩著一個印有 A 至 Z 的木架子，一個不留神，雪雪的小手指已被"卡"著。

今天晚上，我們到酒樓吃晚飯。用膳時，雪雪無聊地把玩自己的手指，拔"倒刺"。

有時候，媽媽覺得雪雪很冒失，做什麼也不先看清楚。但卻又令媽媽覺得她可愛！

雪雪的語言 II

雪雪近日的新詞匯非常有趣，亦代表雪雪的語言能力正慢慢地提升。

雪雪可以講 :
"BIG BIRD (Cartoon Character)"
"爸 B (Daddy)"
"Mat Mat (Max Max)"
"Mei Mei (要爸爸揹住她)"
"Ae Be (Learning ABC)"
"Fly (Butterfly)"
"Dui (Tree in Chinese)"
"Pu (Winnie the Pooh)"
"Bei (Bear)"
"Bezzzzzzz (Sound of Bees)"

雪雪近日好 Fuzzy !

雪雪近這一兩天也十分煩燥，因為她有輕微發燒，及身上出現紅疹。

上一次，雪雪有玫瑰疹，希望這次只是她太過熱氣。

又或許因為天氣太冷，令身體不適應吧。

希望雪雪盡快康復，開開心和媽媽玩耍。

雪雪最近的新玩意！

1. 首先就是偷爸爸放在背包中的"MONT BLANC"筆，仲一定係"MONT BLANC"，對其它的全部不動心。
2. 鍾意拿著筆筆，o黎畫畫畫！
3. 當阿MAX食豆豆醫肚時，雪雪喜歡勾它的後腳！
4. 若見到MAX的豆豆散在地上時，雪雪會拾起它，及放回狗狗的小兜。
   
5. 喜歡坐在痰罐上看書？！
6. 把廚櫃內的罐頭拿出來，然後四圍走，等妳捉。
7. 喜歡躲在飯桌下玩耍，甚至把飯桌旁的Accessory 也除下來！
8. 學媽媽掃地，以及著媽媽的涼鞋。
9. 當爸爸用相機對著B豬照相時，雪雪會瞇埋眼仔不讓妳影。
10. 當我們準備換衫出街時，雪雪會拿衫給我們換。

雪雪錫錫！

媽媽發覺雪雪很有同情心，看見別人哭泣也很不開心。

有很多時候雪雪不聽媽媽的說話，媽媽會先告訴雪雪這樣是不對的，然後想盡辦法令雪雪服從。

以雪雪的倔強性格，她是“受軟唔受硬”的，媽媽只好“駛”出殺手諫..... 詐喊！

當媽媽 “哇哇”詐喊時，雪雪先是說一大堆媽媽聽不懂的說話，然後會靠近媽媽錫錫。

當媽媽不再喊時，雪雪會連聲說，“媽媽! 媽媽!”

媽媽會回應雪雪，“乖豬！”

雪雪便會展露出笑臉，很滿意媽媽不再喊。

雪雪是頑皮還是可愛？？

雖然雪雪只是十六個多月大, 但爸爸和媽媽花在雪雪身上的精力也不少。
伯娘說三堂姊弟妹中, 雪雪最百厭，比Jacky Jr. 還厲害！

看看以下的例子便知道：

1. 雪雪懂得拿起棍子打人 。（打邊個？咪伯娘囉！）
2. 雪雪一個人霸兩張凳，唔俾哥哥坐！（係人都貪心架啦，媽媽理解既！）
3. 雪雪把相簿撕掉幾頁。（邊個叫你唔擺好本相簿丫！）
4. 雪雪拿到手的東西，別人很難會拿得回。（梗係啦，地上執到寶，問天問地拿不到！）
5. 叫雪雪唔好玩, 唔好爬, 佢唔聽, 仲繼續笑架架！（係既，細路通常都坐唔定架啦！）
6. 叫雪雪做D野，佢唔鍾意，就會o都長個咀。（真係唔知好嬲定好笑！）

雖然雪雪有時真的令爸爸媽媽好激氣, 但見到佢o甘可愛, 都嬲佢唔落！