幫手做家務o丫！

雪雪是女孩子，所以特別吱喳但又很細心。

前幾天，雪雪叫媽媽替她摺起衫袖，媽媽問她為何？她不回答，只叫媽媽快 D 摺起件衫。不久，雪雪蹲在地上，把玩具杯，碟和罐子放在一個盆子裡，然後說："我洗碗呀！" 真係好攪笑。

每當媽媽摺衫，雪雪都對媽媽講："我幫妳摺呀！" 然後就倦埋 D 衫或者將已摺好 D 衫攪亂晒！

有時候，雪雪還會講："幫手做家務o丫！" 至於她幫到多少，大家心裡有數啦！係就係將把掃把推推推。

不過，她摺自己的小手巾時，真的似模似樣，好整齊o架！

雪雪的思想？！

媽媽放工返家的第一件事就是問雪雪："乖唔乖，有冇訓晏覺呀？" 雪雪回答："有訓覺"。訓o左幾耐呀？雪雪的答案是："一耐兩耐三耐！！"

吃飯時，媽媽問飯飯熱唔熱，雪雪同樣地回答："一熱兩熱三熱！"

每當雪雪問媽媽拿糖吃，媽媽擰頭 Say No 時，雪雪便說："唔好擰個頭o丫！" 即係迫人一定要俾佢啦！

雪雪頑皮時，媽媽大聲喝止，雪雪便扁嘴對媽媽說："唔好鬧我啦！我好乖o架！"

有一晚，Candice 玩完玩具唔收拾，媽媽鬧 Candice，Candice 一聲不響走上樓上找 Grandma，對 Grandma 說："媽咪鬧我唔 '執' o野，我唔落去，嫲嫲同我 'Ding' 枝奶奶上o黎o丫！"

呢個小朋友係唔係滿腦子計仔？你話o丫！

還有一次伯伯打機，雪雪坐在他身旁觀看，伯伯叫她走遠 D，雪雪即刻話："麻鬼煩，打機唔俾人睇！" 然後走開o左自己去玩。

媽咪 "殺" o左佢！

雪雪收到 Snoopy 貼紙好開心，於是急不及待叫媽媽俾 D 貼紙比佢貼。最攪笑的就是雪雪拿著成袋貼紙對媽媽說："媽咪殺o左佢o丫！"

"殺o左佢？！"

為乜要 "殺" 袋貼紙呢？

原來 Candice 叫媽媽 "拆" o左佢。
真係笑死爸 B 媽咪啦！

雪雪口中的 "丫 Wu"

媽媽每晚都同雪雪讀書，雪雪其中最喜愛的是 Farmer Pig。故事是講關於豬農夫種粟米，最後分o左種出o黎o既三枝粟米俾唔同o既動物。

其中有個 Mr Crow，雪雪話係 "鴉污"，其實係 "烏鴉"！

"丫 Wu" 同 "烏鴉" 對細路o黎講，又真係差唔多o既！

雪雪同細佬點出o黎？

有一晚，雪雪和媽媽讀
"I'm A Big Sister "。突然，雪雪對媽媽講："細佬o係個 "lone" 度出o黎！"

媽媽話："o下？"

雪雪答："雪雪同細佬o係媽咪個 lone 度出o黎，媽咪個肚有個 lone，醫生抱出o黎o架！"

原來雪雪覺得自己同細佬係o甘誕生o既！