第一次去 Disneyland！

三月二十一日，Candice 和 Barron 第一次遊 Disney Park。雪雪好期待見到 Mickey Mouse 同 Donald Duck。最終，我o地都可以見到 Mickey 同佢影番張相。

不過，膽小的雪雪不肯坐小飛象，連晚上放煙花都驚。因為 D 聲音太嚮，雪雪唔肯睇。之後，媽媽問 Candice 下次仲去唔去搵 Mickey Mouse？

雪雪話："唔去啦！去完返o黎好倦！"

雪雪不知道最倦的還是爸爸，因為爸爸駕了來回共十多個小時車。回程時，媽媽駕了兩個小時左右。媽媽問雪雪："我駕駛得好唔好呀？"

雪雪話："唔好，你駕得太慢啦！郁o黎郁去，Stupid 呀！"

其實，雪雪係覺得好驚，都係爸 B 駕車好 D 囉！

童言無忌

上一個星期電視播影"肥肥 - 沈殿霞" 的追思會，畫面影著欣兒在喪禮中流著淚，正當每人（伯娘，媽媽，爸爸等）看得很投入的時候，雪雪突然說一句："喊都冇用o丫！"

此話一出，各人笑到人仰馬翻......
當畫面影著眾人默哀時，雪雪還加一句："佢地做咩訓晒覺呀？"

媽媽笑到冇晒儀態，雪雪看見媽媽這樣子便問："你仲喊咩呀？"
媽媽答："我唔係喊，我係俾你攪到我笑到流眼淚！"

童言無忌，雪雪只記住大人成日講o既o野，潛移默化，突然間想起便說出來，有時候真的很有趣！

還望雪雪長大後在適當的時候說適當的話，深思熟慮而慎言。不要做一個口多多的人。

A Loving Sister....

好多小朋有都唔鍾意屋企多一個弟弟或妹妹爭寵，甚至產生妒忌。 雪雪偏偏是一個例外。

有一晚，媽媽和 Barron 玩，好讓 Barron 學習轉身。雪雪也跟住趴在床上看著細佬，然後對媽媽說："細佬好得意o丫，媽咪生多兩個啦！"

媽媽問："生一個弟弟，一個妹妹，好唔好呀？"

雪雪答："唔好！唔要妹妹，要兩個細佬！"

雪雪得閑冇事就會親吻細佬，沒有反抗能力的細佬，唯有俾家姐當公仔o甘舞！

Barron 出牙仔啦！

五個多月大的 Barron, 已經有一隻牙仔出緊o黎， 攪到佢好 fuzzy!

半夜三更o係到喊不停，抱住都仲喊，真係冇佢乎。冇覺好訓。

想當年雪雪都冇o甘早出牙仔，就算出牙時，都冇 Barron o甘扭計。

睇怕細佬都係怕痛，又嗲又黐人...... 唔知第時返學會唔會俾人 "蝦" 都凈係識喊！雪雪就一定係俾人 "蝦" 會打番人轉頭，跟住自己條氣唔順喊o既人。

仲有一樣o野關於細佬好得意o既，佢好鍾意除自己頂帽。一幫佢帶，佢唔使幾秒就除番落o黎，好有趣o架！

玲玲出o黎又睇掌啦！

近日雪雪非常鍾情於一個MTV, 就是農夫主唱的 "風生水起"。

雪雪只聽了兩次便識得唱，兼改埋歌詞。媽媽也從未聽過。

雪雪唱："玲玲出o黎又睇掌啦，農夫今年又睇相 （Law 獎）啦...... 急急如律令！"

假若想看看她的VIDEO, 請問雪雪Grandma 啦！