雪雪的反應...

1。 雪雪除襪時，總愛左腳踏右腳，右腳踏左腳，從不喜歡用手來除下。爸爸見了便對雪雪講："你唔好o甘懶啦！"
雪雪反應奇快地回答："我學你喳！" （都話言教不如身教啦！）

2。 嫲嫲對雪雪講："凍就要著多件衫，如果唔係就冷親，傷風o架啦。 "雪雪邊跑邊答："跑多 D 就唔傷風o架喇！" （係o既，多做運動身體好！）

3。 爺爺大聲同嫲嫲講："都叫你幫我蒸翻條魚囉！" 嫲嫲大大聲回答："咪整左囉，麻煩！" 雪雪即刻問嫲嫲："你仲咩鬧佢o丫？" （雪雪，呢 D 情趣o黎o既！）

4。 爸爸開電腦... 雪雪就對住爸爸說："唔好俾我估到你打機！" 結果，雪雪走近媽媽到說："爸 B 冇鬼用，打機！" 然後，媽媽對雪雪講："媽媽好疲倦！" 雪雪回答："o甘你去訓覺喇！我睇爸 B 打 Game!" 轉頭，雪雪雙眼紅紅走近媽媽說："我去Pee Pee!" 走進廁所後，雪雪便對媽媽說："我嬲爸 B,佢整喊我！" 原來，爸爸不准雪雪睇佢打機，趕佢走。"

5。 上星期天，我們到伯伯家中吃晚飯。雪雪去到洗手間，便問媽媽："點解個浴缸穿窿o既？" 媽媽哭笑不得地解釋："呢個係 jacuzzi 唔係穿窿..." （好彩雪雪無問咩係 jacuzzi...）