軒軒大個仔啦！

九個多月大的軒軒已經二十多磅，還有八隻牙仔，比雪雪當年多好多牙仔。不過，軒軒無姐姐o甘高，雪雪有 75-90 percentile, 軒軒只得 50 percentile。

雪雪現在只有三十四磅，唔多願食o野o既雪雪，好多時候食到好似嘔o甘，唔知大家有無好提議，令雪雪食o野可以開胃呢？
相反，軒軒食o野食好多。

有一次俾軒軒食哈蜜瓜，佢食到拍手掌，好開心！

軒軒食到唔想食時，就會耍手擰頭，識得推開人隻手，好攪笑o架！

大個仔o既軒軒依家訓醒覺會自己坐起身自己玩，唔會大聲喊。

軒軒仲好鍾意玩鞦韆，唔知軒軒會唔會鍾意游水呢？希望遲下有機會帶軒軒去玩水啦！