雪雪活像一個管家婆！

雪雪越大越似一個管家婆，又唔俾人做佢唔鍾意o既o野。

有一次雪雪唔俾 Michelle 同埋 Jacky Jr. 玩波，但係佢地唔理雪雪，於是雪雪就講："唔好玩啦，走呀走呀！我怕左你倆個！" 然後將個波收埋，連個籃板都收起。伯娘見到都覺得雪雪好攪笑！

雪雪成日都同媽咪講："你唔好返工啦，我唔鍾意你返工。你返工我咩都做唔到（因為無人讀書俾佢聽，同佢砌Puzzle,等等...）爸 B 返，你唔好返啦！"

雪雪還學 Grandma 講："一個就嘈，一個就喊，（或者，一個就唔訓，一個就係到攪o野）我乜都做唔到，o甘點呀？煩死人啦！" 媽媽有時候鬧雪雪唔學寫字，雪雪就搵藉口，"唔好嘈啦，細佬訓o左覺呀！你o甘大聲會嘈醒佢o架！"

假期天氣唔好，雪雪就會講："o甘大霧o既，邊到都唔好去，個個都唔准去！"

雪雪還學了爸爸的口吻，每次媽媽唔知雪雪想要咩o既時候，雪雪就講："你都唔明我o既！"

雪雪還懂得糾正別人。媽媽每次誤叫佢件外套個圖案做 "Mickey" 時，雪雪立刻會反駁："唔係 Mickey，係Minnie!"