牛精的"霸王"！

軒軒個樣睇落都幾乖o丫，唔知點解佢係笑騎騎放毒蛇o既人...

唉！點解阿Barron o甘霸王呢？十三個月既小霸王，真係好麻煩！！

你想佢訓覺o既時候，佢偏偏被人話緊都仲對住你笑騎騎，然後就開始打你面，又或者"Mit"你。

你真係好不耐煩時，軒軒就會眯起雙眼（係呀！好似一條線甘）對住你"嘿嘿嘿"笑...

同家姐雪雪玩o野時，雪雪玩緊o既野，軒軒就爭住要。當軒軒爭到但見到雪雪有第二樣野時，軒軒又要去搶...

有時候，玩玩下又掟玩具落雪雪到...有陣時媽媽大聲少少話軒軒，佢又會發脾氣放聲大哭。

不過，軒軒學野好快。依家除了唔識指邊個係媽媽外，你問佢爺爺，嫲嫲，姐姐，爸B，表姑，舅公佢都識，連你問佢邊個係Barron，佢都識指住自己個鼻。偏偏唔識指媽媽...

軒軒還識分辨Apple, Baby, Clock, Pikachu, Mickey Mouse, Snoopy, Melody, 叮噹，聖誕老人，電視，燈，Duckie, Doggie。

問佢ABC呢？ 軒軒就會指住張 A-Z o既Poster... 不過最攪笑都算係當軒軒見到個nasal asperator時，軒軒就耍手擰頭，開始想喊o甘o既樣。哈哈！呢個世界上，仲有o野治到D曳人既！