愛玩的軒軒...

一連幾日假期，爸媽可以輕鬆休息一下。感恩節後的星期五，爸媽帶了雪雪和軒軒到商場內的Park玩了一陣子。

雪雪小時候也曾到過那個Park, 比較一下，媽媽發現軒軒真的很愛玩，很貪玩。唔知係唔係因為佢係男仔，所以比較Active呢！

軒軒在Park內四圍走，比起姐姐當年，軒軒可算是十分好動，在場內玩得不亦樂乎。連爸媽話要走，軒軒都不願意... 以下片段可看出軒軒玩得很投入，很開心。當然，雪雪都一樣玩得好開心！



不過，媽媽開始擔心以軒軒的性格，返學後會和同學仔爭o野玩。軒軒雖然可以好嗲，但都幾野蠻。軒軒想要的東西佢一定要得到。如果得唔到，唔係喊就係"Lur"...

相信軒軒會係頑皮但醒目仔一名...

軒軒好"黐"媽咪呢！

媽媽一向都花很多時間在雪雪身上，因為媽媽放工回到家中會教雪雪讀書寫字，玩 Board games，加上雪雪喜歡媽媽和她一起讀書，因此軒軒大部份時間都由Grandma照顧。

不過，軒軒開始懂事，近日軒軒喜歡跟著媽媽。

軒軒見到媽媽餵雪雪吃飯時，就會嚷著要媽媽給他吃，要和姐姐爭吃。就連Grandma餵都唔食，軒軒可以好野蠻，擋住姐姐唔俾佢黐埋媽媽身邊。

當軒軒看到媽媽摟著雪雪時，軒軒就會開始喊住走到媽媽身邊要抱抱。媽媽唔明白點解軒軒可以o甘嗲o既呢？！

不過，軒軒的確好得意，好醒目。

老師對雪雪的評價...

早幾天，爸媽與Ms. Karen會面，談談雪雪在過去兩個月的表現。雪雪除了學習寫自己的名字外，還在學習寫數目字。老師告訴媽媽雪雪學習寫Alphabet時，可以不用trace而自己寫，當然不是Perfect，但以她三歲多的歲數能有這技巧是很不錯的。

雪雪在過去的兩個月進步很快。當雪雪九月入學時，不太聽得明白英語，亦未能以英語和人溝通，所以雪雪當時很靜，很少和其他同學玩。

Ms. Karen 對爸媽說雪雪是班中兩位英文進步最快的其中一個。雪雪現在已聽得明白很多英文，還"super socialize"，和同學相處融洽，比以前多了說話。老師還開始教雪雪和其他幾位進度較快的小朋友phonics，希望到一月份時，開始prepare佢睇書。

媽媽好奇問老師雪雪比較喜歡art還是science，老師話雪雪現在無preference，老師要求同學們做的projects，雪雪都會做好，不會"say no"。

Ms. Karen話雪雪成日o係學校都好開心。還有一次有一個小朋友話唔鍾意返學要返屋企，老師聽到雪雪講："I don't want to go home, I like school." 雪雪有幾鍾意返學？剛巧早幾天（十一月十一日）是假期，媽媽告訴雪雪不用返學，雪雪竟然"嘩嘩嘩"哭了出來，你話雪雪有幾喜歡返學呢？

雪雪還開始 pick up daily conversation，除了成日對媽媽講："Good Job, Mommy!" 之外，朝早返學之前還會講："Mommy I love you!" "Can I kiss you?" 還有一次，雪雪走入爺爺間房，大大聲同阿爺講："It's time to eat dinner!"

Ms. Karen 還告訴爸媽，十月份時，他們教這班 Pre-school II Geography, 當家長們覺得有些深奧，這班小朋友竟然記得自己住嚮邊一個Continent, 我們真的不可以低估小孩子的吸收能力！

雪雪可以在短短兩個月內有這樣大的進步，爸媽也感到好開心！小孩子的學習能力真的不可思議！

Happy 哈囉喂!!!

今年的萬聖節天氣不太好，即使沒有下雨，陰陰沉沉的天色令人也沒心機。不過，雪雪和軒軒也很開心。

除了雪雪在學校有Halloween party & parade外，tricks or treats o既收獲雖不及去年多，但雪雪和軒軒在tricks or treats時玩得很投入。

軒軒仲識得將朱古力放落Jacky Jr. o既Bucket度，好可愛呢！

穿上了貓貓 costume o既軒軒好趣怪，媽媽還將金色假髮帶落佢個頭到，攪到軒軒好似金髮Baby doll，好迷人o架! 雪雪今年要做Barney，媽媽雖然準備了一套 witch o既costume，但雪雪唔鍾意，冇辦法啦...



至於parade，雪雪上到台時，都彈o下彈o下揮揮手行出o黎。可惜天氣唔好，冇得玩jumping machine，少o左D樂趣...

Halloween其實可以好有趣，因為你會發覺好多人好有創意，當Halloween係一個大型o既嘉年華同埋Fashion Show，為忙碌的生活加上色彩，壓力都可以減少D!