雪雪不喜歡......

雪雪不喜歡吃甚麼？你又估唔估到呢？

雪雪最不喜歡的食物是爸爸的最愛！

當媽媽將雪雪最愛的菇和這種食物一起放入她的口時，她可以把菇吞去，然後把這種食物吐出來！

雪雪最不喜歡吃的就是 -- 蝦！

<><><><><><><><><><><><><><><><>

雪雪不喜歡甚麼小昆蟲呢？

她不喜歡飛蛾，螞蟻，蜘蛛和蒼蠅！
每次看見便叫爸爸捉o左佢地... 或者躲藏被窩裡！

雪雪也不太喜歡上街吃東西，媽媽問她Tamago好唔好食，雪雪話Tamago好食。

但轉個頭媽媽再問她，她說始終都係屋企o既o野好食！

雪雪的金句！

雪雪一向都好多野講，但係最經典就係以下呢一句：

話說JJ哥哥同雪雪o係到拋波，爸爸就同佢地講："唔好再拋喇！"
雪雪即刻望住JJ講："你鬧得，我唔鬧得，我鬧你就得！"
此話一出，二伯笑住話："係喇！似足你老豆！"

仲有，雪雪每打噴嚏就會講："KILL ME!"... 其實佢係講："EXCUSE ME!"

雪雪呢個老人精真係製造好多笑料！

另外，這些就是雪雪的一些作品，你們有甚麼評價呢？

雪雪還未夠三歲，不可有太高要求吧！

愛笑愛玩的Barron

軒軒越來越可愛，除了因為他鍾意笑，他已懂得同人玩，猜到我們在玩遊戲。

軒軒好鍾意玩"PEEK-A-BOO"，有時候媽媽或者雪雪從廚房的右邊行出來，然候從左邊行出來，Barron便知道我們和他在玩。

他會在我們走返入廚房時，兩隻眼仔立刻望住另一邊。有時候我們從走入廚房的一邊再走返出來，Barron望住另一邊知道自己估錯，就會"gee" "gee"o甘係到笑。

Barron仲犀利到識搶o野，話說Candice，Barron同媽咪讀緊書，細佬Barron想將本書o黎咬下，媽媽叫雪雪收埋。雪雪將本書收埋係自己後面，細佬就立刻伸隻手去搶。

近日，軒軒還喜歡周圍"碌"，o係地下同張床都會趴下，轉下身，無時停！！ 好奇心強o既Barron還手多多，家姐阻住o既話，就會扯頭髮！回想當年雪雪七個月大時，雪雪好似乖好多......

Barron仲好鍾意沖涼，一落水就唔喊，仲咪咪嘴笑，好攪笑o架！

雪雪的進步！！

雪雪十分好動，又多多說話，有時候真的給她氣壞！

早幾日，還曳到將粒珠仔塞落個鼻到，好彩嫲嫲同佢整返出o黎,如果唔係就麻煩喇！

不過，雪雪開始有一些進步。 早一排雪雪還未能好好地花心機去油顏色。於是，媽媽開始每晚要雪雪油十五分鍾顏色（當然，要她完成一幅畫一定要二十至三十分鍾）。雪雪只明白媽媽要她將畫油好，因此不知不覺便花了很多時間去油！不然，雪雪就不能和媽媽同軒軒一齊玩。

雪雪漸漸可以花時間和耐性去完成一至兩幅圖畫。媽媽還寫下日期，好讓雪雪長大後，看看自己的進步！

雪雪還可以自己砌25塊的Mickey Mouse Puzzle， 媽媽相信這已是很不錯！
還有四個月便返學的雪雪，媽媽期望著看你的成長，努力學習！

雪雪還將三幅於上幾個星期油的畫寄o左俾Grandma,仲話一張送俾公公，一張俾Mei Ma, Grandma都有兩張。 雪雪還加埋自己個簽名（佢自己話o架）！佢個簽名係點？想像一下蝌蚪文喇......

遲D媽媽先upload雪雪油的畫俾大家睇下喇！

雪雪的反應...

1。 雪雪除襪時，總愛左腳踏右腳，右腳踏左腳，從不喜歡用手來除下。爸爸見了便對雪雪講："你唔好o甘懶啦！"
雪雪反應奇快地回答："我學你喳！" （都話言教不如身教啦！）

2。 嫲嫲對雪雪講："凍就要著多件衫，如果唔係就冷親，傷風o架啦。 "雪雪邊跑邊答："跑多 D 就唔傷風o架喇！" （係o既，多做運動身體好！）

3。 爺爺大聲同嫲嫲講："都叫你幫我蒸翻條魚囉！" 嫲嫲大大聲回答："咪整左囉，麻煩！" 雪雪即刻問嫲嫲："你仲咩鬧佢o丫？" （雪雪，呢 D 情趣o黎o既！）

4。 爸爸開電腦... 雪雪就對住爸爸說："唔好俾我估到你打機！" 結果，雪雪走近媽媽到說："爸 B 冇鬼用，打機！" 然後，媽媽對雪雪講："媽媽好疲倦！" 雪雪回答："o甘你去訓覺喇！我睇爸 B 打 Game!" 轉頭，雪雪雙眼紅紅走近媽媽說："我去Pee Pee!" 走進廁所後，雪雪便對媽媽說："我嬲爸 B,佢整喊我！" 原來，爸爸不准雪雪睇佢打機，趕佢走。"

5。 上星期天，我們到伯伯家中吃晚飯。雪雪去到洗手間，便問媽媽："點解個浴缸穿窿o既？" 媽媽哭笑不得地解釋："呢個係 jacuzzi 唔係穿窿..." （好彩雪雪無問咩係 jacuzzi...）