軒軒終於自己行啦！

八月二十四日是一個特別的日子，因為軒軒不用扶也不用人幫忙，自己走了五至六步。

軒軒比姊姊學行還要快，雪雪當年十三個月大才敢放手自己行。軒軒下個月才一歲，唔知幾時會講多o野呢？

至於雪雪，爸爸媽媽終於都買了一個Balloon俾佢，雪雪當然好開心！雪雪生日快樂！

希望大一歲的雪雪健健康康，日日都開心。最仲要就是用心讀書，長大後做一個對社會有貢獻的人！不要成日都話大個要做媽咪喇...

還有一個星期便開學，媽媽都有些少緊張。除了媽媽從今開始要日日開車之外，媽媽都擔心雪雪會容易病，唔適應，又唔知雪雪識唔識自己食Lunch。希望雪雪會食媽媽為佢精心泡製既愛心午餐啦！

可愛的小女孩

雪雪快滿三歲，爸爸媽媽買了砌圖給雪雪作生日禮物，又帶了雪雪到麥當勞食French Fries。

雪雪一直都想有一個Balloon，但爸爸說沒用途，於是媽媽對雪雪講："到了麥當勞食French Fries, 沒有錢買 balloon啦，不如遲D先買啦。" 雪雪點點頭，沒有扭計。

早幾日雪雪問媽媽...
"我都未去過Barney屋企，我想去丫，不如你同我去啦！"
媽媽對雪雪講："我都唔知Barney住嚮邊，點去呀？"
雪雪反應其快："你打個電話俾佢未得囉！"
媽媽反問雪雪："o甘Barney屋企幾多號電話呀？"
雪雪笑住答："我唔知呀！"

雪雪喜愛的其中一個故事，"Pooh's Heffalump Movie"...

希望雪雪唔會叫我帶佢去Winnie the Pooh 屋企搵阿Kanga, Roo, Rabbit, Tigger, Piglet啦...

如果唔係見到Heffalump，雪雪唔知會唔會同佢一齊噴西瓜核呢？？？

想要個妹妹？

雪雪今晚對媽媽說了一些話令媽媽不知如何回答。

吃晚飯時，雪雪無端端對媽媽講："你生錯Barron啦，你應該生個女，我想要個妹妹，細佬都唔同我玩o既，不如你生個妹妹啦！"

媽媽便回答："o下？乜唔係o係醫院帶錯o左雪雪返屋企咪？細佬唔係有個哥哥咩？"

雪雪笑住回答，知道媽媽捉弄佢："梗係唔係啦！不如生多個細佬俾Barron丫！" 媽媽講："生o甘多個？唔得個o窩."

雪雪想也不想："得！爸B抱一個，雪雪抱一個，媽咪抱一個，Grandma 又抱一個o甘未得囉！"

雖然雪雪口口聲聲話細佬唔同佢玩，轉個頭吃完晚飯，雪雪同軒軒玩到嘿嘿哈哈。雪雪仲同媽媽講："我同細佬好好玩，玩到傻!"

最愛食Chicken!

雪雪最喜歡食既肉類就是雞肉！雪雪係Baby時已經凈係飲雞湯，豬肉，豬骨等等都無興趣！

媽媽也很難想像一個三歲小朋友竟然可以食鳳爪食得好乾凈。雪雪似乎好鍾意"luen" 骨，比媽媽食得仲乾凈！

雪雪還很喜歡食瑞士雞翼，媽媽早幾晚煮俾雪雪食，雪雪不停同媽媽講："我要Chicken!"，"好 Good, 好味呀！"

媽媽整走晒D雞皮，雪雪衰到同媽媽講："無皮點食呀？"

不過，雪雪唔鍾意食KFC炸雞，只喜歡食coleslaw。

當然，雪雪好似好多小朋友一樣，鍾意食French Fries。

仲要係McDonald 先好食，其他茶餐廳，或者Burger King 就唔鍾意食，真奇怪！

愛惜弟弟！

媽媽今天從Grandma口中才知道雪雪很愛惜弟弟。

事原Grandma帶雪雪和軒軒探朋友，Grandma的朋友問雪雪："我比五蚊你，你比細佬我啦？"雪雪話："唔得！"

個姨姨再問："o甘十蚊啦！" 雪雪話："都唔得呀！"

"o甘我比一百蚊你賣俾我啦！" 雪雪話："唔好呀！乜都唔賣呀！"

雪雪可能還未明白五蚊，十蚊，或者一百蚊的意義，不過曾經有人問雪雪肯不肯用糖來交換細佬，她的答案都是一樣："唔得，唔好丫！"

軒軒好麻煩！？

不知道是不是軒軒是男孩子，所以十分頑皮。

除了喜歡嘗試從床仔爬出來，手仔唔停四圍攪之外，還喜愛打人塊面。

最麻煩的就是喜歡喊... 喊... 喊！！！

和雪雪比較，軒軒真的消耗了媽媽很多力氣和睡眠時間... 媽媽還滿手傷痕。

爸爸也笑說媽媽的手臂像被人毒打一樣！

這個小朋友還不喜歡和媽媽讀書，每次媽媽抱著他讀書，他就不停郁，爭扎要離開...

媽媽擔心軒軒將來真的會坐唔定讀書。

雪雪十個月大時，已喜歡和媽媽讀書，一起扮小雞 "cheep cheep cheep", toad 的 "burrpp, burrpp" 叫！

軒軒還喜歡雪雪的Melody公仔，真係成個Baby Girl o甘，點算呀？

雪雪的創意

雪雪近日喜歡畫畫。有時候，雪雪畫的畫真的很有創意，也加入一些她的想像力。以下這兩幅圖畫你們又知不知道是什麼呢？

這一幅是一個卡通人物... 很多人起初也估不中，但一知道是Cartoon Character,便估中了。


第二幅是一隻動物... 兩棲類動物。


雪雪畫 Apple，Pillow，Chair也很似的... 雪雪的畫畫天份比媽媽真的好好多！

答案就是：
1. Snoopy
2. Frog