九月份的學校生活點滴

轉眼間，雪雪已上了一個月學。九月份的主題是萍果。雪雪在學校做了很多關於萍果的Project。

爸爸媽媽和Ms. Karen討論過雪雪的進度和適應力。

Ms. Karen話雪雪 "well behave" 同埋 "independent"，有時鍾意收收埋埋，唔鍾意講俾人聽發生乜o野事。

雪雪喜歡自己睇書和砌Puzzle。不過，雪雪o既進度都算唔錯。因為佢地學習係based on their own pace，雪雪比其他小朋友做多好多o野。

Ms. Karen話雪雪最鍾意走去問佢："What are you doing?"

老師仲話雪雪好鍾意跳芭蕾舞，叫我地考慮下俾雪雪參加。

十月份既主題係Pumpkin，又會有Pumpkin Patch Field 同埋Halloween party， 相信雪雪一定好鍾意！

雪雪開始和同學仔多些溝通，希望雪雪會有多些群體生活，唔好成日發小姐脾氣啦！

愉快的一個星期

九月十四日，中秋節那天，雪雪的三個姑婆從香港到三藩市探望我們。雪雪一歲時，曾在香港見過她們，不過沒有印象。

雪雪對於三位姑婆都好好，最有趣就是雪雪喜歡"黐"住敏姑婆,又要同佢坐，又要人抱。

三位姑婆返香港時，雪雪話十二月返去時要去"CATCH THEM"。

姑婆話雪雪唔扭計都好得人鍾意，不過脾氣係倔強D!

細佬Barron就真係係人都話佢"曳"，唔係喊要人抱，就係要"自由活動"，四圍行之外，仲要周圍攪o野，真係少D精神都唔得。Grandma 話o甘多個孫最百厭就係Barron...

無時無刻都可以食o野o既軒軒，就快變食物焚化爐。不過成日都用力行，所以都無點樣增磅，徘回二十二磅左右！好彩醫生都話軒軒唔肥，高度和體重都成比例... 但係就唔算太高囉！

精力充沛的軒軒!

軒軒的生日快到了，差不多一歲的他，精力充沛之餘仲好醒目，真係好逗人喜愛o架！

男仔始終都百厭o架啦，軒軒除了識行之外，仲犀利到自己爬樓梯。Grandma做緊o野，軒軒訓醒就自己爬樓梯去搵阿爺。當然，Grandma靜靜地係軒軒後面睇下佢做咩啦。

Grandma話服左佢，識得爬上樓梯，又唔會向下爬落去，真係o甘細個都知危險！

軒軒都唔蠢o架，你搵o野攔住唔比佢行，佢會搵窿爬過去，又會整爛D野都要爬過去。

軒軒仲識得Pikachu, 你問佢邊個係阿 "CHU" ，佢會指住個 Pikachu 燈籠。你叫佢點虫虫，佢又會識得用手指篤篤篤...

至於雪雪，第二個星期返學都無乜問題。雪雪o既老師 Ms. Karen 話雪雪 "is one of the advanced students"... 相信雪雪應該幾適應學校生活。不過雪雪成日都大頭蝦，Ms. Karen 俾貼紙佢，佢都唔記得，等媽媽想洗佢件外套時，見到張 Snoopy 貼紙，雪雪先話："係呀，你鍾意丫o麻!"

軒軒手指指...

近日媽媽真的忙透了，除了在公司忙做Budget同準備Annual Board Meeting外，雪雪上學再加上Barron開始手指指問人呢樣o個樣，媽媽真的快要分身變超人！

軒軒亦開始行得好穩，可以行到好多步唔駛扶。最犀利都係有一次軒軒行o下行o下就快撞埋牆，Grandma邊叫邊想捉住軒軒，軒軒犀利到自己轉彎行番轉頭。呢個小朋友真係唔簡單！！

軒軒很喜歡手指指要人話俾佢知佢指住個樣o野係乜，最攪笑都是媽媽同佢指住ABC讀Apple, Bear, Cat,軒軒會咯咯大笑，似乎很喜歡同媽媽interact。

軒軒還未懂得發很多聲音，不過佢好似學緊好多o野，唔知將來會唔會一鳴驚人呢？

雪雪第一個星期的學校生活

九月二日是雪雪第一天上學的日子。

爸爸和媽媽一起帶雪雪上學。雪雪在爸爸媽媽離開時並沒有扭計也沒有哭，還揮揮手和爸爸媽媽講拜拜。

當爸爸媽媽接雪雪放學時，發覺雪雪在Playground呆呆的坐在單車上，看來很不開心。

看見爸爸媽媽時，雪雪很開心但看來很肚餓。而且，老師告訴我們雪雪在下午哭了兩次。幸好，Michelle & Jacky Jr.也在學校，見到他們，雪雪便沒有哭。

第二天，媽媽叫雪雪起床上學。雪雪對媽媽講："我好眼訓呀，俾我訓多一陣先啦！" 但轉個頭，雪雪已經坐了起身對媽媽說："要換衫返學啦！"

媽媽覺得雪雪很乖，還看來還很喜歡上學呢！雪雪很快適應第二天的學校生活，除了肯食午餐外，還四圍走撞親個鼻。不過雪雪沒有take nap，所以晚上很累，很快便睡了！

第三天，雪雪畫了一幅自畫像，看來雪雪很用心，畫得幾靚o架！

第四天，爸爸，軒軒，和Grandma一起和雪雪上學，不過老師話雪雪又唔肯訓覺，真係俾佢激死！結果雪雪八點幾就訓著啦！雪雪真係太累啦...

媽媽問雪雪喜不喜歡返學，雪雪有以下的回應："我鍾意返學，返學好多o野玩，有好多o野食，屋企凈係得糖！"

老師話雪雪好乖，合群，都participate in activities。老師都發現雪雪喜歡砌Puzzle呢！