是真的這麼聽話嗎？

雪雪昨天知道我們將會返香港探公公，婆婆同姨媽，到了下午不肯睡覺，怕爸爸媽媽搭飛機不等她。後來，嫲嫲便對雪雪講："媽媽還未放工，爸爸不會走去搭飛機。等媽媽返屋企先。仲有呀，你要返o左學先，跟住先返去探佢地o架！"

雪雪其實都算是一個乖巧的孩子。她對媽媽說："我大個幫你煮o野呀！幫手做家務！" (雪雪已經當媽媽每次摺衫時，幫手摺毛巾o架啦。）

接著又說："我大個幫嫲嫲整番o架衣車丫！爸B又唔幫嫲嫲整。" 雪雪還對爸爸媽媽說："我大個車你倆個周圍去丫！"

當軒軒每次睡在媽媽身旁時，雪雪就會對媽媽講："我幫你擋住丫！佢唔會爪到你o架！"

早幾日，媽媽放工回到家中，雪雪不知道媽媽回來了，還在樓上和嫲嫲一起吃東西。媽媽在上樓梯時，聽到雪雪這一句話："我唔食啦，再食媽咪會話我o架！"

當雪雪擰轉身時，發覺媽媽已在她後面。雪雪先是一臉愕然，跟著笑一笑。媽媽便問："你食乜怕媽咪話你呀？" 雪雪笑著說："Lollipop 囉！"

雪雪一直都很喜歡到BART station接媽媽放工。近日，雪雪少了去等媽媽。原來，有一天媽媽話雪雪取了Bart station的小冊子在家到處放唔執拾，媽媽的一句："以後唔准去Bart station喇！" 雪對嫲嫲講："媽咪話我，我唔去Bart站喇！"

雪雪還對軒軒講，唔好攪ABC呀（貼在雪櫃的磁石），你整跌晒落地下媽咪會話o架！"